28/06/2026
පිළියෙල කරගන්නා ආකාරය:
බත් කුල්ලට දැමීම:
පළමුව බත් මුට්ටියෙන් ඉතිරි වූ බත් ගෙන, පත්තර කොලයක් අතුරා ඇති සාම්ප්රදායික වට්ටි හෝ කුල්ලකට අතින් දමා ගන්න.
බත් අව්වේ වේලා ගැනීම:
ගෙදර මිදුලේ උස් අතට සිටුවා ඇති කොටයක් (ලී කොටයක්) මත එම කුල්ල තබා, කුල්ලෙහි ඇති බත් කැටි නොගැසෙන සේ අතින් හොඳින් තුනී කර අව්වේ තබා වියලා ගන්න.
බත් බැදගැනීම:
හොඳින් වියලුනු බත් ටික කුල්ලෙන් ගෙන, ළිපෙහි තබා ඇති රත් වූ ඇලුමිනියම් තාච්චියකට දමා හැඳිගාමින් හොඳින් බැදගන්න.
කුඩු කර ගැනීම:
බත් ඇට ලා කළු පාට වන තෙක් හොඳින් බැදුනු පසු, ඒවා වංගෙඩියට දමා උස් මොල්ගහක් මඟින් හොඳින් කොටා කුඩු කරගන්න.
භාජනයකට එකතු කිරීම:
වංගෙඩියෙන් හොඳින් කෙටුණු බත් කුඩු ටික පිරිසිදු මැටි තැටියකට හෝ මැටි බඳුනකට එකතු කරගන්න.
ලුණු හා සීනී එකතු කිරීම:
එම මැටි තැටියේ ඇති බත් පිටි (කුඩු) වලට රස පදම අනුව ලුණු හා සිනී ස්වල්පයක් එක් කරන්න.
පොල් එකතු කිරීම:
ඉන් පසු එයට සිහින්ව ගාගත් නැවුම් පොල් ස්වල්පයක් එකතු කරන්න.
මිශ්රණය අනා ගැනීම:
දැන් එයට නිවුණු උණු වතුර ස්වල්පය බැගින් එක්කරමින්, අග්ගලා ගුලි සෑදිය හැකි පදමට එන තෙක් අතින් හොඳින් අනා ගන්න.
ගුලි සකස් කිරීම:
අනාගත් මිශ්රණයෙන් ස්වල්පය බැගින් ගෙන අත්ලෙන් තද කරමින් රවුම් අග්ගලා ගුලි ලෙස සකස්කර මැටි තැටියක පිළිවෙළකට තබන්න.
රස බැලීම:
දැන් පාරම්පරික රසයෙන් යුත් ගුණදායක බැදි බත් අග්ගලා ලෑස්තියි. තේ වේලාවක් සමඟ රස බලන්න!
