Toula Bites

08/06/2026

لحمة خروف بالخضار بالفرن

المكونات:

* 1 كيلو لحمة خروف قطع وسط
* 3 حبات بطاطا كبيرة مقطعة
* 2 بصلة كبيرة شرائح
* 2 أكواز ذرة مقطعة دوائر
* 1 حبة فليفلة حمراء
* 1 حبة فليفلة صفراء
* 200 غرام فطر طازج
* 2 ملعقة كبيرة معجون بندورة
*2 حبة بندورة مقطعة
* 1/4 كوب زيت زيتون
* 3 فصوص ثوم مهروس
* كوب إلى كوب ونصف مرق أو ماء ساخن

البهارات:

* 1 ملعقة صغيرة بابريكا
* 1 ملعقة صغيرة فلفل أسود
* 1 ملعقة صغيرة كزبرة ناشفة
* 1/2 ملعقة صغيرة كمون
* 1/2 ملعقة صغيرة سبع بهارات
* 1 ملعقة صغيرة ملح
* رشة قرفة
* ملعقة كبيرة دبس رمان (اختياري)
* بهارات كيجن ( اختياري ) بس بيعطي طعم لذيذ
* روز ميري ( اكليل الجبل )
*ورق غار
* اربع حبات هيل

للتزيين:

* عودان روزماري طازج

الطريقة:
نخلط معجون البندورة مع زيت الزيتون والثوم والبهارات حتى تتكون صلصة متجانسة.

في طنجرة فرن أو صينية عميقة نضيف البطاطا والبصل والذرة والفليفلة والفطر، ثم نضع قطع اللحمة فوقها ونسكب الصلصة ونقلب المكونات جيدًا حتى تتغطى بالكامل.

نضيف المرق، ونضع أعواد الروزماري على الوجه، ثم نغطي الطنجرة بإحكام.

ندخلها فرن محمى مسبقًا على حرارة 180 درجة لمدة ساعتين ونصف إلى ثلاث ساعات حتى تذوب اللحمة وتصبح الخضار طرية وغنية بالنكهة.

نزيل الغطاء آخر 15 دقيقة لتحمير الوجه ثم تقدم ساخنة و صحتين و هنا ❤️

# 😂 #اكسبلورر

01/06/2026

سلطة السيزر الصحية بالدجاج 🥗

✨ الكمية تكفي 2-4 أشخاص

المكونات:

للدجاج:

* 500 غرام صدر دجاج
* ½ ملعقة صغيرة بودرة ثوم
* 1 ملعقة صغيرة بابريكا
* ½ ملعقة صغيرة ملح
* ½ ملعقة صغيرة فلفل أسود

للصوص:

* كوب زبادي يوناني (180 غرام)
* ¼ كوب جبنة بارميزان مبشورة
* 3 ملاعق كبيرة خل
* 1 ملعقة كبيرة خردل
* 2 فص ثوم مهروس
* ملح وفلفل أسود حسب الرغبة

للسلطة:

* رأس خس روماني مقطع
شرائح رفيعة جدًا خيار ( اختياري )

الطريقة:

1. نتبل الدجاج ببودرة الثوم والبابريكا والملح والفلفل الأسود، ثم نشويه أو نطهيه حتى ينضج ويأخذ لونًا ذهبيًا.
2. في وعاء، نخلط الزبادي اليوناني مع البارميزان والخل والخردل والثوم والملح والفلفل حتى نحصل على صوص كريمي متجانس.
3. نقطع الخس الروماني ونضعه في طبق التقديم.
4. نضيف الصوص ونقلب جيدًا حتى يتغطى الخس بالكامل.
5. نضيف الدجاج المقطع فوق السلطة ونقدمها مباشرة

صحتييين 🥰
الوصفة من .

25/05/2026

هالمرة الوصفة من قلب عمّان ❤️
كعك الاساور الفلسطيني ✨

المكونات

٣ أكواب ونص طحين
ملعقة صغيرة بيكنج باودر
سكر بودرة مطحون مع رشة مستكة
ملعقة كبيرة سمسم
ملعقة كبيرة حبة البركة
ملعقة كبيرة يانسون
بهارات معمول مطحونة (محلب، يانسون، شومر، قرفة)
رشة ملح
كوب دهن مذاب (نص كوب سمنة مع نص كوب زيت زيتون )
منقوع يانسون دافي للعجن

الحشوة:
حوالي ٩٠٠ غ تمر
رشة قرفة
رشة صغيرة هيل مطحون (اختياري)
شوية زيت زيتون

الطريقة ✨

بنغلي كاسة يانسون و بنتركها لتصير دافية.
بننخل الطحين و بنضيف معو البيكنج باودر.
و بننخل السكر البودرة المطحون مع المستكة.

بنضيف كل المكونات الجافة فوق الطحين من بهارات مطحونة و السمسم و حبة البركة و اليانسون، و بنخلطهم مع بعض منيح.

بعدها بننزل الدهن المذاب و بنبس العجينة بسبسة لحتى يوصل الدهن لكل الطحين و المكونات.

بنضيف منقوع اليانسون بالتدريج (عالأغلب ما رح تحتاجوها كاملة) و بنلم العجينة على بعضها بدون عجن — ضروري بدون عجن — لحتى نحصل على عجينة ناعمة و ما بتتشقق.
إذا حسيتوها لسا ناشفة بتضيفو شوي زيادة من منقوع اليانسون أو ماء دافي.

بنغطي العجينة و بنتركها ترتاح ساعة كاملة.

بنجهز الحشوة بخلط التمر مع القرفة و الهيل و شوية زيت زيتون لحتى يطرى.

بعدها بنشكل التمر كرات صغيرة، و العجين كرات أكبر شوي.
بنفرد كل كرة، بنحشيها بالتمر و بنلفها لحتى نحصل على شكل الأساور ✨

للخبز:
بنحمي الفرن قبلها بـ ١٥ دق

22/05/2026

ة

المكونات:

* نصف باكيت باستا (حوالي كوبين) — أي نوع بتحبوه
* 500 غرام لحمة مفرومة
* بصلة صغيرة
* 2 سن توم
* شوية بقدونس
* ملح
* فلفل أسود
* بابريكا
* رشة قرفة
* رشة سبع بهارات
* حبتين بندورة معصورين
* ملعقة كبيرة مليانة رب بندورة
* فليفلة حلوة (أو أي خضار بتحبوه: جزر، بازيلا، فطر…)
* كاسة مي عند الحاجة
* بودرة ماجي لسلق الباستا

الطريقة:

1. أول خطوة نسلق الباستا بماء وملح، وبنضيف شوية بودرة ماجي عشان تاخد نكهة أطيب.
2. منخلط اللحمة المفرومة مع البصلة، الثوم، البقدونس، والبهارات.
3. بالقلاية أو المقلاة، بنحط اللحمة ونفتتها بالملعقة لقطع متوسطة.
4. بنضيف الفليفلة الحلوة أو أي خضار بتحبوها، وبنقلبهم مع اللحمة.
5. بنضيف البندورة المعصورة ورب البندورة، وإذا حسيتوا الصلصة كثيفة زيدوا كاسة مي لأن الباستا رح تشرب من الصوص.
6. لما تغلي الصلصة، بنضيف الباستا المسلوقة وبنقلب الكل مع بعض.
7. بنتركها شوي لحتى تتسبك وتمسك النكهة.

بتقدرو تاكلوها لحالها، أو مع سلطة زي ما عملت آخر الفيديو… والمفاجأة إنها طلعت لذيذة جدًا مع السلطة و صحتييين ✨.

#اكلات 😂😂

15/05/2026

13/05/2026

عرايس سهلة و بسيطة و الأهم انها صحية 🌻

المكونات :
لحمة مفرومة 500 غ
100 غ دهن خروف ( اختياري )
بصلة كبيرة
٤ اسنان ثوم
نص ضمة بقدونس
نص ضمة كزبرة خضراء
معلقتين كبار دبس فليفلة ( مهم )
معلقتين كبار دبس رمان
ملح حسب الرغبة
ملعقة كبيرة بابريكا
ملعقة صغيرة فلفل اسود
نص ملعقة صغيرة قرفة مطحونة
رشة زنجبيل بودرة
معلقة صغيرة سبع بهارات
خبز عربي مدور يفصل يكون الرغيف صغير

الطريقة :
نهرس جميع المكونات مع بعضها و نعجن اللحمة في الخليط المهروس .

الطريقة الدسمة :
ندهن كل رغيف خبز من الداخل ب القليل من دبس الفليفلة او حتى الشطة الحارّة ( لنكهة مميزة و اقوى )
بعدين بنفرد ملعقتين كبار من اللحمة داخل كل رغيف خبز
بندهن الخبز من الخارج بزيت الزيتون و ندخله الفرن لمدة ٢٠ دقيقة على حرارة 200

للطريقة الصحية :
نفصل رغيف الخبز عن بعضه لحتى نحصل على وجهين من نفس الرغيف متل ما هو موضح بالريل

نفرد ملعقة واحدة كبيرة من خليط اللحمة او اكتر شوي
نضع ملعقة زيت زيتون وحدة في مقلاة و بنحمي المقلاة على حرارة متوسطة و نقلب الخبز المدهون باللحمة في المقلاة لحتى تستوي اللحمة
و بتتقدم مع بندورة و فلفل و بقدونس و حتى كبيس + صلصة صحية ٣ ملاعق لبن زبادي مع عصرة ليمونة و سن توم و نتوفة صغيرة مجرد نكهة من الطحينة ✨

صحتييين 🌻✨

😂😂

10/05/2026

كبدة بالفرن يهلة و سريعة و طعمها بجنن 😍

المكونات:

* 300–400غ كبدة خروف
* بصلة متوسطة (شرائح)
* 3 فصوص ثوم (مفروم)
* قبضة بقدونس مفروم
* عصير نصف ليمونة
* رشة ملح + رشة فلفل اسود
* ملعقة كبيرة زيت زيتون او اكتر حسب الرغبة

الطريقة:
ننظف الكبدة منيح ونقطعها مكعبات، ونقطع البصل شرائح والثوم والبقدونس.
بنضيف الفلفل الاسود و بنقلبهم مع بعض .
نحطهم بصينية ونغطي بورق الألمنيوم.

ندخلها فرن محمى على 200 درجة لمدة 15 دقيقة،
بعدين نشيل الألمنيوم و بهاد الوقت بنملح الكبدة لحتى ما تشد

ونتركها 10–15 دقيقة كمان ليتحمر الوجه بتتقدم مع خبز و عصرة ليمون ✨ و اكيد اي نوع سلطة انتو بتحبوه
و صحتيين ❤️

❤️💞❤️ #اكسبلور

08/05/2026

Rice cake مع لبن الزبادي
انا اضفت مع الزبادي كراميل سيرب بدون سكر بتقدرو تضيفو اي سيرب بتحبوه فراولة ميبل سيرب او حتى صوص شوكولاته كلو بطلع لذيذ معها
دهنتها فوق القطعة و حبيت اضيف فواكه
كتير خفيفة و طعمها رائع 😍

❤️💞❤️

07/05/2026

🍋 بطاطا مشوية بالقلاية الهوائية مع صدور الدجاج وصوص الليمون والثوم 🤍

المقادير:

* 2 حبة بطاطا متوسطة مقطعة مكعبات
* 1 صدر دجاج مقطع مكعبات أو شرائح
* ملعقة صغيرة زيت زيتون
* نصف ملعقة صغيرة بابريكا
* نصف ملعقة صغيرة ثوم بودرة
* نصف ملعقة صغيرة بصل بودرة
* رشة فلفل أسود
* ملح حسب الرغبة
* رشة أوريغانو أو زعتر ناشف

للصوص:

* 3 ملاعق لبن يوناني أو زبادي
* فص ثوم مهروس
* عصير نصف ليمونة
* رشة ملح
* رشة نعناع ناشف أو بقدونس

الطريقة:

1. نغسل البطاطا ونقطعها مكعبات، ونخلطها مع نصف كمية البهارات ونصف ملعقة الزيت.
2. نحط البطاطا بالقلاية الهوائية على 200 درجة لمدة 15 دقيقة مع التحريك بالنص.
3. نخلط الدجاج مع باقي البهارات ورشة ملح وفلفل.
4. بعد أول 15 دقيقة نضيف الدجاج فوق البطاطا ونرجعهم للقلاية 10–12 دقيقة لحد ما يستوي الدجاج وتتحمر البطاطا.
5. نخلط مكونات الصوص كلها مع بعض.
6. نقدم البطاطا والدجاج ونضيف صوص الليمون والثوم فوقهم
و صحتييين ❤️

#اكسبلور

16/02/2026

ريل سريع و عشوائي بس الوصفة بتستحق التجربة فعليًّا و حرفيًّا !بوعدكم وعد رح تعتمدوها 🦋

المكونات :
½ كوب ماء دافئ
½ م ك سكر
½ م ك خميرة فورية
¾ كوب طحين أبيض
½ م ك نشا
رشة ملح
رشة فانيليا
½ م ص ماء زهر (اختياري)
زيت للقلي
قطر بارد

الطريقة:
نخلط الماء الدافئ مع السكر والخميرة ونتركهم يفوروا.
نضيف الطحين، النشا، الملح والنكهات ونخلط لحتى نحصل على عجينة لزجة وناعمة.

نغطي العجينة ونتركها تختمر ساعة.

نسخن الزيت على نار متوسطة، نشكّل العوامة في ملعقة من ملاعق المعيارية طبعا ادهنوها زيت او مي في كل مرة بتاخدو من العجين لحتى ما تلزق و يخرب شكلها ونقليها لحتى تاخد شكل و لون دهبي ع ابيض فاتح جدًا

بنخليهم خمس دقايق يرتاحو بعدين بنقليهم كمان مرة ع نار عالية شوي بس لحتى ياخدو اللون الذهبي الجميل .

آخر اشي ننزلها مباشرة بالقطر البارد ونطلعها و بنزينها بالفستق الحلبي او الورد المحمدي حسب ما بتحبو اكيد .

✨ مقرمشة من برا
✨ فاضية وخفيفة من جوّا
✨ نفس طعم المحلات
#اكسبلور #رمضان