Gillian愛分享

31/08/2025

餐廳我都bookmark 咗好耐，主打食內蒙古百日羔羊，喺香港都算少見，今日終於有機會搵到啲志同道合嘅朋友可以去試一試佢😆😆
佢位置好方便，去到上面夠晒舒服，空間感十足，呢度除咗涮羊肉之外，串燒都係呢度嘅賣點😉嗌咗啲串燒再打邊爐，而串燒不可不提係佢嘅白鱔同埋扇貝，真係好新鮮同埋扇貝亦都調味相當適合，十分彈牙😋
打邊爐就叫咗個卜卜蜆湯底，每隻蜆都10分飽滿，而且每隻都開到口，證明咗係十分新鮮，佢嘅招牌就係羊肉，有唔少部位可以選擇，但我哋梗係嗌晒全部嚟試，每款肉類都各有千秋，而我最鍾意食嘅係羊上腦同埋高鈣肉，羊上腦10分嫩滑，奶香味非常濃郁係我食過所有羊肉之中最能代表羊嘅味道😚而高鈣肉就非常有趣，佢肉與肉之間有條軟骨，有＂脆＂有趣😉
其他食物都非常高質，但不能夠詳細一一敘述，呢一餐我哋嗰個都非常滿意，可以閑時都嚟一次聚一聚😆😆

10/02/2025

同朋友返大陸食咗間新開嘅日式料理餐廳
食物質素好食之餘價錢仲好平😍Omakase價錢200-300左右，都係睇你想食幾貴，豐儉由人

見到門口裝修好有格調，好日本feel，雖然睇落唔算大，但裝修得好別緻，坐吧枱位都幾舒服😌可以望到廚師整壽司，得閒傾兩句，食得都開心啲😊

特別推薦彩虹角切魚生，又靚又好味，皮香口配加咗壽司豉油嘅魚生估唔到咁夾👍🏻

仲有紅酒鵝肝刺身吞拿魚，第一次食鵝肝口感好似cream咁，好滑甜甜地，一啖咁食入口即溶，星鰻壽司都一樣入口即溶，一啲都無腥味😆

刺身件件都新鮮美味😋wasabi係新鮮磨，好食好多，配刺身食好正🤤

見餐牌仲有好多嘢食，下次再去食過🤩

#澄居

地址：南山華僑城創意文化城北區A1棟105號

21/12/2024

今日有運🙀扭蛋中咗贈飲😹😹 順便參加埋比賽🏟️

#2024夏茶聖誕攝影比賽＃過聖誕飲夏茶

31/10/2024

今日同朋友慶祝生日
去咗bookmark咗一段時間嘅

哩排睇黑白大廚迷上咗韓食🥹
哩間仲要好有feel🖤

上網睇定有咩必食推介
叫咗海膽紫菜包飯

烤泡菜五花肉
海鮮煎餅
海膽拌冷麵

海膽紫菜包飯好fancy😍
環境上面有一層生牛肉
生牛肉上面有一層海膽
海膽上面有魚子醬
獨立食魚子醬會太鹹
成舊放落口就會食到個balance

海鮮煎餅係煎到脆卜卜 超級足料
有帶子 白魚仔 調味得好好
煎得一啲都唔油膩
呢個真係必食！
見過有人推介泡菜煎餅 下次想食埋！

烤泡菜五花肉係會原碟生肉上咗枱先
之後幫我哋拎走燒好晒再俾我哋
完全係懶人必嗌😍
豬腩肉兩面燒香
用生菜包，有好多配料
好滿足

海膽拌冷麵
除咗有海膽仲有帶子同其他配料
冷麵汁偏甜，冷面口感彈牙

我同朋友兩個都嗌梳打
都幾大杯👍🏻

總括嚟講，絕對值得encore😝

#韓國菜 #韓國餐廳 #韓國燒烤 #韓國料理 #韓牛 #銅鑼灣 #銅鑼灣美食

12/09/2024

29/08/2024

呢間米線店喺元朗開咗冇幾耐，見仲係試業中已經有人喺門口排緊隊，一於試試佢😏

一入到去成個風格都同平時嗰啲好唔同，佢係有一個Bar枱嘅設計，（同拉麵店有啲似）廚師可以好近距離同到食客交流，見到佢默默做默默做都感覺得幾有趣😂😂

呢間米線主打有多個湯底選擇，而且每個湯底都基本上有配料喺入面，如果唔夠可以再加餸🤤其實本身都應該足夠一個成年人食😋
我就揀咗個金湯酸菜魚米線，再加招牌腩肉，個湯夠晒香濃，而且又有鮮魚味，非常適合配搭米線食👍🏻另外加嘅腩肉夠晒大塊，而且肥瘦相間，呢個真係唔配都唔得😍

而友人叫咗個膠質豬骨雞湯米線，呢個相對適合比較鍾意食清淡口味嘅人揀😚另外佢啲韭菜餃亦都非常足料，超香韮菜味，相信係自家包嘅🙇🏻‍♂️

而且呢度除咗有一般汽水飲之外，仲會可以跟餐要杯手搖飲品，+$9就有，有多幾個選擇俾大家，唔使成日飲汽水咁悶，最鐘意係佢用紙杯裝，可以拎走飲😝

希望佢可以繼續長做長有，咁我間唔時嚟元朗都會可以過嚟再食多幾次😍😍

地址：元朗教育路87-99號鴻發大樓G/F Shop A

#方太小鍋米線

13/05/2024

行行吓街見好耐冇食過deliFrance，見佢新出咗個二人套餐餐，幾樣嘢都幾吸引，同埋價錢又唔算貴，就入去試吓啦😂😂

呢個餐$368包2個湯/沙律、2個主菜、甜品同埋餐飲，朋友想食羊，但呢個套餐就要on top 加$30🤣 我就揀咗北海道帶子黑松露意大利飯🍽️

沙律🥗好新鮮，醬汁甜甜哋好開胃，另外加咗$32要個忌廉龍蝦湯，好creamy，都有幾粒龍蝦仔🤣🤣

終於上主菜😋😋 帶子唔係話好大粒嗰啲刺身級帶子，但都煎得好靚，外脆內軟😋意大利飯軟硬度適中，淡淡地嘅黑松露味道，食落啖啖都有雜菌😋😋

朋友嘅法式香草烤羊架，一上到已聞到好香噴噴😍😍我都忍唔住打劫咗一塊嚟食😗果然肉嫩又Juicy🥺 應該係先煎後焗嘅方式整，完全鎖住晒肉汁，將香草的味道完全發揮😗

飲品我揀咗白雪，原來係雪碧+一球雪呢嗱雪糕，都幾夾🤣甜品加$29 升級咗朱古力流心心太軟，一切開超流心，正😋😋😋

Overall 呢餐都幾物超所值，應該會encore😝😝


Délifrance Bistro
地址：屯門屯隆街1號錦薈坊3樓316號舖

24/04/2024

今日同朋友聚餐，佢話呢間係佢近期食過最好食嘅餐廳，所以我今日決定同佢試吓係咪真係咁好食😉
雖然佢喺旺角嗰頭，但係其實都要搵到都唔容易，如果佢冇介紹我都冇留意過呢度有間餐廳，入到去時間尚早，都可以Walk in度，坐低就嗌咗個招牌海蝦花甲雞煲食住先😚之後侍應就叫我哋可以join佢嘅WhatsApp group，咁就可以得到一份麻油魚皮，魚皮都夠爽脆而且麻油味好香而不濃，作為一個前菜都係一個唔錯嘅選擇👍🏻之後雞煲好快就拎上枱，要再喺枱上面滾多幾分鐘之後就可以食，店員一開個蓋即刻香味撲鼻，再炒多兩炒氣味更加濃郁，俾佢搞到食指大動，急不及待已經夾雞嚟食，首先佢雞皮已經呈現焦香狀態，香口到不得了，而且每件雞size亦都唔會好細有足夠嘅肉食到落肚，而且個味道非常濃郁，令人一食再想再食，果然係我近期食過最好食嘅雞煲🤤入面都有唔少花甲，每個花甲都沾滿着濃濃嘅雞煲汁，簡直係完美配搭，鮮甜又惹味，而佢個海蝦都好大隻，食落都中規中矩😝
見佢呢度啲煲整得咁出色，所以就再叫多個沙嗲肥牛粉絲煲嚟送飯，呢個亦都係冇錯，味道絕對令人滿意，每方面到相當平衡，粉絲肥牛都相當有沙嗲嘅香味，送飯一流，唔使一陣就已經有清晒成個煲🤣
而呢間餐廳應該仲有好多撚手小菜可以試，希望下次可以再叫多啲人一齊嚟再可以試多啲嘢😚😚😚之後都聽到不斷有人有Booking入嚟，所以如果多人嘅話都預早book定枱好啲！

地址：旺角煙廠街6-20號華新大廈地下14-14A號舖


#旺角美食 #香港好去處 #香港美食

27/02/2024

之前夜晚見到呢一間燒肉放題就一直心思思想食，之後今日大家都放一個下晝假，所以就可以嚟他他條條咁食個燒肉放題做午餐😀

今次我哋就係揀食個Lv4嘅套餐，除咗冇日本和牛之外，其實所有嘢都有得食😝入到去就會上咗個拼盤先之後再用QR code加嘢食，喺等嗰個期間出面都有啲小食可以俾你選擇，所以就基本可以一路等一路食食盡佢100分鐘🤣

之後佢啲嘢都一次過送過嚟，除咗有個牛肉拼盤之外，呢個餐仲有燒生蠔，四隻同埋煙燻封門柳🤤首先，牛肉都非常吸引，每一款都各有特色😉而我最鍾意嘅係上級牛胸腹肉，真係勁軟滑，又夠好香油香😚而佢附送嘅封門柳都非常有肉味同咬口👍🏻而呢啲生蠔都係需要燒嘅，佢另外再有四樣汁俾你任意配搭，都幾有新意

而再加嘅肉類，我哋就叫咗雞爽肉同雞翼，雞爽肉真係又爽又脆，加埋啲孜然粉真係10分配搭，呢啲肉類一齊食😍而有樣食物係不得不提嘅，就係佢嘅花魚一夜乾，鹹鹹香香咁，仲要好大塊，啲肉一疏疏，真係忍唔住食咗起碼三嚿😚

食到咁上下，就可以出去食吓啲甜品同飲下咖啡，基本上100分鐘都夠晒食，飽到夜晚可以慳返😂😂

佐賀燒肉谷
地址：屯門屯盛街1號屯門市廣場一期3樓3229號舖

#屯門美食 #屯門燒肉 #燒肉 #燒肉放題 #香港美食 #香港燒肉 #美食推介

20/06/2023

雖然之前都冇乜聽過呢間餐廳 ，但見到係新開又咁多人等位就決定試吓佢啦☺️最後等咗一個鐘都終於入到🤫

入到去個都好快可以落單，基本上喺出面已經揀好哂，我哋兩個人就叫咗個regular既芝士maru pizza同埋個half half炸雞，分別叫咗蒜香甜辣&蜂蜜牛油😝之後pizza如果想要芝心批就加多$36，呢啲一定要俾啦😍

首先就上咗個pizza先，首先10'‘真係兩個人啱啱好，上面嘅配料亦都好豐富，每一啖都食到唔少料，如果芝心批真係加得冇錯，啲芝士味道相當香濃，又可以拉吓絲，勁足料😚

之後HH炸雞就有12嚿，有齊晒雞髀雞翼雞胸，啱晒唔同需要嘅人，而我最鍾意嘅蒜香甜辣，非常classic 韓式炸雞，味道相當唔錯，而另外牛油都好突出，蜂蜜調味啱啱好，但比較上就比較單調😉

飲品就叫咗杯pineapple iced tea，冰冰涼涼😉食炸雞又唔想飲酒既我非常之適合😍服務方面唔錯，每張都有足夠嘅餐具手套😗下次你一定要食佢既芝加哥pizza，見到隔離食真係勁吸引😚😚

#屯門 #屯門美食 #韓國餐廳 # 屯門新店 #炸雞 #韓國菜 #邪惡拉絲