12/10/2026
呢間人氣爆燈✨嘅肉肉大米真係經常都引來好多人排隊😋。餐廳設有半開放式廚房🍳，食客可以親眼望到師傅製作漢堡扒😍。
店內設有精米機🏭每日新鮮磨米，而且用嘅係🇯🇵日本虹煌米，所以啲飯🍚係特別香嘅。
漢堡扒就係店內💪新鮮製作，加上西蘭花🥦、白飯同埋湯🥣都係無限添加，😆所以都幾受歡迎。
佢哋招牌嘅👌三件和牛漢堡扒套餐🥩，盛惠$145性價比都算唔錯💰。
呢度仲有多款唔同嘅🧂調味料，俾你 mix and match👍。
個湯入邊仲有🐙鱆魚肉丸，加上唔少海帶🌊，所以都幾鮮味。
第一件食嘅係原味和牛漢堡扒🥢，一咬落去肉汁真係好豐富💧。原味最能食出牛肉嘅鮮甜味🐂，配埋店內特製嘅醬汁同埋生蛋黃真係好夾🤤。
第二件係邪惡指數爆燈嘅芝士漢堡扒🧀，面頭鋪滿咗濃郁嘅半溶芝士💛，加上職員現刨硬芝士，真係雙重芝味。芝士嘅鹹香完美咁滲入咗熱辣辣嘅牛肉入面🔥，口感真係豐富咗好多👅。
到咗壓軸嘅韓式辣海鮮漢堡扒🌶️，呢個口味真係比想像中仲要嚟得有驚喜🌊。韓式辣醬汁帶有少少海鮮嘅鮮甜味🦐，完全中和咗和牛嘅油膩感✨，而且邊仲有蜆肉、年榚同埋魚糕🥰好有層次。啖啖肉配埋惹味嘅醬汁，真係令人回味🤩。
總括嚟講呢個套餐真係好滿足😋，無論係環境定係食物水準都交足功課👏。各位牛魔王下次經過九龍灣記得去試吓喇🎉，包你食完一定會想再返轉頭❤️。
驚喜🤩韓式🇰🇷辣海鮮🌶️漢堡扒
肉肉大米（九龍灣） 肉肉大米 香港
地址：香港九龍灣偉業街33號德福廣場1期1樓F23號舖
#肉肉大米 #九龍灣美食 #九龍灣 #和牛漢堡扒 #香港美食
