14/05/2024
طاجين اللحم بالبصلة و الزبيب.
كندير بصلة مشلضة رقيقة مع زيت اركان أو الزيت النباتية على حسب المتوفر كنضيف عليهم اللحم لي متوفر عندي كنضيف عليهم الملح و الابزار و سكنجبير و الخرقوم و الزعفران شعرة و قزبور ومعدنوس مقطعين رقاق كنشحرهم كنمرق بالماء الساخن كنضيف البصل على شكل أجنحة كمية لي تغطي اللحم انا درت تلاتة تالبصلات كبار زدت فوقهم حبة مطيشة دوائر و حطيت عليها زبيب منقوع فالماء زينت بالبرقوق الجاف و زيتون و رشيت من الفوق بشوية تالقرفة ملي كيطيب الطاجين ديالي كنضيف ملعقة كبيرة عسل حر او عسل نوعية جيدة قبل التقديم كنزين بزنجلان محمر.
بالصحة والراحة.
