27/04/2018
👍
Ceremonia Entrega Premios Mestre 2018
O Venres 4 de Maio a partir das 11:00H, celebraremos na EASD Antonio Faílde o acto de entrega dos Premios Josep Albert Mestre 2018, convocado pola Confederación de Escuelas de Artes Plásticas y Diseño (CEA) e organizada este ano pola EASD Antonio Faílde, que foi unha das escolas gañadoras do pasado ano. Este certame premia os mellores proxectos finais de carreira do curso anterior en tres categorías correspondentes aos niveis de estudos das Ensinanzas Artísticas; Ciclos Formativos de Grao Medio, Ciclos Formativos de Grao Superior e Ensinanzas Artísticas Superiores. Nesta edición participaron mais de 180 propostas de escolas de todo o Estado. Asistirán ao acto José Manuel Pinal Rodríguez, Director Xeral de Centros e Recursos Humanos da Xunta de Galicia, que inaugurará a exposición dos 40 proxectos finalistas e Eugenio Vega, presidente da CEA e membro do xurado. O acto será presentado e conducido polo actor e director teatral Quico Cadaval e será amenizado polo grupo de jazz Alfonso Medela Trio. Ao finalizar, haberá un aperitivo para a asistencia.
Esperámosvos!
