28/05/2026
مش خلصنا ذبيح؟! نشوي بقى!!
سلسلة الشوي من Volo (تجهيزات الشواء):
المشكلة الاساسية في أي حفلة شواء هي اننا لازم ننسى حاجه و خناقة مين اللي نسيها و مين اللي هيروح يجيبها .. ف حل لهذه المشكلة دي check list تأكد عليها في التحضيرات:
1. عدد الشوايات (لو هتشوي كذا حاجه او حبايبك كتير)
2. فحم عادي و فحم سريع الاشتعال
3. جل اشتعال (مش بنزين عشان ميبوظش طعم و ريحة الاكل)
4. كبريت او ولاعة (الا لو جايلك صديق فاسد مدخن)
5. ريشة للتهوية (بدل ما نقعد ندور على كرتونة و نهوي بغطا الحلة)
6. فرشه او ملاية
7. لحمة عادي و مفروم و فراخ متتبلة (لو ملحقتش تتبل ممكن تشتريهم متبلين "بس تحس كده مش هي")
8. عييييش (متنساش العيش)
9. سلطة و طحينة ( يا تتخانقوا مين هيعملها يا تجيبوها جاهزه)
10. ماية و حاجة ساقعة (مش مقاطعه)
11. براد و كنكة قهوة (بتطلب شاي عصاري بالنعنع و قهوة المغرب "دا في حالة انكم لحقتوا تشووا قبل ما الليل يليل و الوالدة مشمتتش فيك")
12. عيييييش (متنساش العيش)
13. سياخ و شبكةو سكينة و كنشه او مساكه (نسيت اكتبهالك في الاول)
14. مناديل (عشان السندوتش هيوقع عليك طحينة)
15. كولمن ماية عشان الغسيل و الوضوء
16. عيييييش (ابوس ايدك متنساش العيش و اللي دوره يجيب العيش اكدوا عليه يجيب العيش كل 10 دقايق قبل ما يجي)
17. مسليات عقبال ما الاكل يجهز (شيبسي مصري, لب, سوداني
18. صاحبك اللي بيتأخر تفكره انه النهارده و تقوله معاد قبلها بساعتين ( و هيتأخر برده"ميجبش العيش ولا المايه خليه يجيب المناديل")
19. صاحبك اللي بيعرف يشوي تأكد عليه اليوم عشان في الاغلب هتلاقيه محجوز في حفلات اخرى (اللي هو في نفس الوقت بيطلع صديقك الفاسد المدخن ف مش هتحتاج تشتري ولاعه)
20. العيش اللي انت نسيته (عشان محدش هيجيبه و هتقول لصاحبك اللي بيتأخر يجيبه و برده هينسى يجيبه)
نتمنى لكم حفلة شواء سعيدة.
عيد اضحى سعيد عليكم اجمعين و اعاده الله عليكم بخير و بركه
