09/09/2026
من شهر 3 وإحنا بدأنا الحكاية دي، وكنا متحمسين جدًا إننا نقدم لكم فكرة جديدة ومختلفة.
والحقيقة إن أكتر حاجة كانت بتفرحنا هي رد فعل الناس على الأكل…
كل كلمة حلوة، كل أوردر، كل حد كان بيقولنا إن الفكرة عجبته وإنه مستني يجرب أصناف جديدة… كل ده كان بيدينا طاقة نكمل.
لكن أحيانًا، حتى لو المنتج حلو والناس بتحبه، بيكون فيه ظروف حوالين المشروع بتخلي الاستمرار بالشكل الحالي صعب.
وعشان كده قررنا إننا هنوقف "طاطا بطاطا" في المكان الحالي.
القرار مش سهل علينا خالص، خصوصًا إننا شايفين قد إيه كان فيه ناس بتحبنا وبتحب الأكل بتاعنا.
بس إحنا مش شايفين إن دي نهاية طاطا بطاطا.
بالعكس… إحنا هنعتبر الفترة الجاية فرصة ناخد نفس، نراجع كل حاجة، ونفكر إزاي نرجع لكم بشكل أحسن، بتكاليف أذكى، وفكرة أقوى، ونموذج يخلينا نقدر نكمل معاكم لفترة أطول.
شكرًا لكل واحد طلب مننا، شكرًا لكل حد شجعنا، شكرًا لكل حد كتب لنا رأيه، وحتى لكل حد كان مجرد بيتابعنا من بعيد.
أنتم فعلًا كنتوا جزء مهم جدًا من التجربة دي ❤️
دي مش نهاية الحكاية…
دي مجرد وقفة.
ونشوفكم قريب إن شاء الله،
بطاطس أكتر… وطاطا بطاطا أحسن. ❤️🥔
