Giuttuion Ali

19/11/2025

02/10/2025

إنني أحتفل بعامي الخامس على فيسبوك. شكرًا لك على دعمك المستمر. لم أكن لأنجح أبدًا دون مساعدتك. ‏🙏‏‏🤗‏‏🎉‏

01/07/2025

وصفة بيتزا سكيكدة انشر للإفادة :
المكونات :
1 كلغ فرينة
20 غ ملح
100 غ زيت
50 غ مارغارين
10 غ سكر
نصف ملعقة كبيرة خميرة
ماء بارد للعجن
نعجنها مدة حوالي 20 دقيقة
صوص طماطم :
3 حبات طماطم مرحيين
2 سن توم
رشة فلفل اسود
ملعقة صغيرة زعتر مرحي و ليس بودرة
ملح و سكر حسب نوعية الطماطم المستعملة
ملعقة كبيرة زيت زيتون
نصف ملعقة صغيرة كركم اختياري
نطيبوهم فوق نار قليلة كي طيب نميكسوها مليح
درجة حرارة الفرن 220 من فوق و 280 من تحت

17/03/2025

المحاجب الجزائرية ( مطابيڨ )
أفضل أنواع المخبوزات عالميًا 🤗
حيث إحتلت المركز 12 عالمياً والأولى أفريقيًا وعربيًا .

21/02/2025

حشوات البوراك 🥟🌙🌯 كاااااااااااملين
اكثر من 17حشوة بوراك
تحتاجيهم للتنويع في #رمضان 2025 ربي يبلغنا اياه

🥣بطاطا مفورة ارحيها زيديلها ملح فلفل اكحل معدنوس وفرماج
🥣بطاطا مفورة ارحيها زيديلها ملح فلفل اكحل بصلة تكوني ذبلتيها ف زيت حتى تتكرمل + علبة تونة بالزيت
🥣 مورصو دجاج طيبيه ف الما وورقة رند كي يطيب فتتيه زيديلو بيشامال ثقيلة اكديلي على ثقيلة و فرماج
🥣 بطاطا مفورة أمرسيها بفرشيطة زيديلها مورصو كاشير يكون نوعية مليحة ولا پاتي مسكرفج و لمي بشوي فرماج
🥣 سلق مفور ومعصووور مليح حمسيه ف زيت وملح فلفل اكحل زيديلو زيتون ايفيلي وحبة بطاطا مرحية وفرماج
🥣 طيبي شوي روز زيديلو علبة تونة تع طماطم وفرماج
🥣 فيونداشي حمسيه بالبصل وملح فلفل اكحل فقسي عليه زوج بيضات وخلطي كي يطيب البيض زيدي فرماج
🥣 بطاطا مفورة ارحيها زيديلها زوج بيضات مغليين ومسكرفجين والفرماج ملح فلفل اكحل و حشيش مقطع
🥣ماعندك لا لحم لا طون سكرفجي كورجات وجزر قلي حبة بصل مسكرفجة زيديلها الخضرة و ملح فلفل اكحل خليهم يطيبو حتى ينشفو وزيدي فرماج
🥣 حمسي بصلة حتى تذبل تبليها زيديلها علبة تونة طماطم و خضار مفورة مربعات ملح فلفل اكحل
🥣 كبدة دجاج اقليها فتتيها زيديلها بطاطا مغلية مرحية وتوابل وحشيش وفرماج
🥣 بقاتلك المعقودة فتتيها زيديلها فرماج واحشي بيها
🥣 بقاتلك الغراتان فتتيها زيدليها فرماج وحشيش واحشي بيها لا للتبذير
🥣 ارحي شوي دجاج حمسيه مع بصل مسكرفج وتوابل الشاورما كي يطيب زيديلو بيض مغلي مسكرفج وجبن
🥣 غلي بطاطا وجزر كي يطيبو ارحيهم وتبليهم زيدلهم طون وفرماج
🥣 لي يحبو الحار ارحي بطاطا مفورة زيديلها دجاج مرحي مقلي بالملح وفلفل اسود زيدي مغيرفى هريسة وحشيش مقطع وحبتين فرماج

22/06/2024

🌸قالوا ناس زمان 🇩🇿🇩🇿🇩🇿
الخير يللش......والشر يعمش .
🌸بعض الاطباق والماكولات الجزائرية 🇩🇿 واش هوا الطبق المفضل عندكم تحبوها بزاف من المطبخ الجزائري 🇩🇿التقليدي ومتقدروش تستغناو عليه🥰
♕شاف علي قيطون♕

18/05/2024

#منقول

بيري كريمية بصوص روعة 😍
#وصفة لابيري بالفرماج
في كسرونة نعمر نصها بالماء نحطها في نار نلوح عليها شرائح بطاطا ماشي خشان بزاف ديجا كنت قشرتهم من قبل معاهم نصف ملعقة ملح كبيرة نخلوهم حتى يطيبو كي نقيس البطاطا تتلبز وحدها خلاص نحيها نحطها في رحاية سبيسيال تاع لابيري ولا بلفوي برك تترحا انا نرحي و نلوح لحليب نرحي و نزيد لحليب بالشوي و قطع الفرماج انا درت لابربار ديرو لي تحبو فرماج شاف ولا لفاش كيري المهم نكمل نرحيهم نزيد عليهم ملعقة صغيرة زبدة و نرحي نذوق اذا ناقصة ملح نزيد منبعد كي نكمل نحطها على حمام مائي و نزيد عليها مالفوق زبدة باه تطلق البنة عليها
#صوص -بكبد- دجاج
في مقلاة ندير 3 ملاعق زيت نزيدلها كبد دجاج مقطعة و نقليها نزيدلها ثوم ملعقة صغيرة طماطم مصبرة ملح فلفل اسود كمون فلفل احمر و حار و زنجبيل ملعقة خل طيب شوية نزيدلها فنجان ماء و شوية حشيش بعد ما طيب نحطها فوق لابيري و بصحتكم 😊🥰👌
منقول
ديري اوكي يلحقوك جديد وصفاتي ❤

29/07/2023

مثال على عشا خفيف
شوي طماطم شوي بصل 3 بيضات شوي طون زيت حبة بطاطا مفورة في كاسرونة حمرة مهم صحي
و نحطوه في كاسرونة بيضة
بصحتي
و على وجه ربي ديرو لاطاي راني كرهت و انا نعاود في الهدرة
و صحا
#عٌلَيَ قُيَطِوٌنِ♕♡

06/06/2022

سلطة صيفية 🤲🏻🌹🍟🧀🌽🍱

04/06/2022

#محاجب 🥰

الحشو: حبة بصل+ 2حبات فلفل+ حبة طماطم
نقطعهم صغار ونقليهم مليح بالزيت والملح، فلفل اسود و كي اطيب نرحيها بالميكسور

العجينة: 2كيسان سميد رقيق+ 2كيسان فرينة+ م.ص ملح+ كاس ونصف ماء ونلم العجينة وندلكها مليح حتى تولي رطبة (حوالي 20د) ثم نشكلها كرات ندهنهم بالزيت ونخليها ترتاح ساعة.
نحل العجينة رقيقة بالزيت وندير الحشو (اللي حب ايزيد الفرماج او اللحم المرحي) ونغلق ونشكل مربع ونطيبها فالطاجين حتى تحمار...وبصحتكم

🤤❤️

04/06/2022

حسب التصنيف الذي أصدرته موسوعة Tasteatlas خلال شهر جوان 2022.
المطبخ_الجزائري الأول عربيا و26 عالميا .
(تم الحصول على تقييم كل بلد من خلال سبر آراء المستخدمين لافضل ثلاثين طبق،مشروبات ومنتجات غذائية في هذا البلد، البلدان الغير مدرجة في القائمة ليس لديها ما يكفي من البنود).
#أنفوجرافيك