03/10/2026
وصفة #سفنج لي طلبتوها مني
ديري 2كيلات ماء دافئ+ملعقة كبيرة خميرة🥄+ملعقة كبيرة سكر 🥄 خلطيهم بلفوي وزيدي عليهم 4 كيلات فرينة و ملعقة صغير ملح كي ديري كيلة رابعة استعملي يديك و خبطي لعجينة سيدتي 🤌(فرغي ززعاف😅) باش يدخلها الهوا🌪️🌪️
غطيها وخليها تخمر 10 د بعدها كسرلها الخمور وارجعي خليها تخمر10 د بعدها ديري شويا زيت فيدك وزيدي كسرلها الخمور وخليها زيدي تخمر للمرة الثالثة 10د بعدها كسرلها خمور و ديري ڨريصات فسنيوة (ديري زيت فيديك)
وقليان لي هو أهم حاااجة تاني لازم ديري شويا زيت ماشي بزاف حتي تطلع فوق حبة حلي لعجينة غير بيديك و ديريها فزيت سخونة على نار قليلة وماتلوحيش فوقها زيت كي تشوفها طلعت باش تقلبيها و بصحتكم 😋😋😋نحبكم خلولي تعليق
#سفنج
