25/12/2020
შტოლენი - ეს არის გერმანული,ტრადიციული საშობაო ნამცხვარი,რომელსაც მიირთმევენ შობას🎄 უამრავი ვარიანტი არსებობს,მე შემოგთავაზებთ ჩემს ვერსიას რომელიც მოვამზადე ხაჭოთი და რომლის მირთმევაც შეგიძლიათ გამოცხობისთანავე🥰
მაშ ასე დაგჭირდებათ:
2 კვერცხი
250 გრ ხაჭო (9%)
250 გრ ფქვილი
70 გრ კარაქი
100 გრ ჩირეული (სურვილისამებრ)
50გრ თხილეული (სურვილისამებრ)
1 ჩ/კ სიმინდის სახამებელი
10 გრ გამაფხვიერებელი
შაქარი გემოვნებით
1/2 ლიმონის წვენი და ცედრა
ვანილი
დარიჩინი
მომზადების წესი:
პირველ რიგში ჩირეულს დავასხათ ცხელი წყალი და დავტოვოთ დაახლოებით 10 წუთი,შემდეგ ავთქვიფოთ კვერცხი,დავამატოთ ხაჭო,ოთახის ტემპერატურის კარაქი,ლიმონის წვენი,ცედრა და შაქარი,კარგად ავთქვიფოთ,დავამატოთ გაცრილი ფქვილი,გამაფხვიერებელი ვანილი და დარიჩინი,მოვზილოთ ცომი,დავამატოთ ჩირეული და თხილეული,( ჩირეულს დავამატოთ კრახმალი და ისე შევურიოთ ცომის მასას) დამუშავებული ცომი გავაბრტყელოთ მივცეთ ოვალური ფორმა და გადავკეცოთ,გამოვაცხოთ 180°-ზე 45 წთ.უკვე გამომცხვარ შტოლენს წავუსვი გამდნარი კარაქი და მოვაყარე შაქრის ფხვნილი.გემრიელად მიირთვით♥️🎄
