Steiner-Beck

Name: Steiner-Beck
Address: Steiner-Beck AG, Wetzikon, 8623, CH
Telephone: +41449311340

Startseite
Schweiz
Wetzikon
Steiner-Beck

In unserer Backstube werden seit über 85 Jahren täglich qualitativ hochstehende Produkte aus erlesenen Rohmaterialen produziert.

10/09/2026

Es isch wunderschön worde! A eusem Torte-Deko-Nomittag händ sich d Teilnehmende so richtig chöne kreativ ustobe. Es isch dekoriert, verziert, usprobiert und natürlich au ganz viel glacht worde. 😄

Debi sind ganz unterschiedlichi Kreatione entstande, jede mit ihrem ganz eigene Look. Es het eus riesig Freud gmacht, all die verschiedene Idee und d Begeisterig vo de Teilnehmende mitzerlebe. 🍰

Danke a alli, wo debi gsi sind und de Nomittag mit eus verbracht händ! Lueg dir gern d Föteli a und hol dir en Iblick i dä kreativi Nomittag bim Steiner-Beck. ✨

05/09/2026

Chum doch au du gern wieder emal bi eus verbi. Mir freued eus uf dich und uf din nächste Bsuech i einere vo eusne Filiale. 🥰

Zum Steiner-Beck ghöred nöd nur Brot, Gipfeli und all die andere feine Sache. Genauso wichtig sind d Mensche, wo jede Tag für dich da sind, dich begrüessed und defür sorged, dass du dich bi eus wohlfühlsch. ❤️

Egal, ob du nur schnell öppis Feins holsch oder dir chli Ziit für en Kaffi nimmsch, mir freued eus, wenn du da bisch. Bis bald! ✨

02/09/2026

Bi dem Ablick chunnt de Gluscht irgendwie ganz vo allei. Reihe für Reihe, Brot für Brot und plötzlich denkt mer nur no dra, wie guet jetzt es Stück devo wär. 🥖

Es schmeckt unglaublich guet mit Butter oder suscht öppis Feinem dezue. Und es passt zum Zmorge, zum Zmittag, zum Znacht oder eifach so zwüschet dure. Es git schliesslich immer en guete Grund für es Brot vom Steiner-Beck. ✨

Und genau das isch doch s Schöne dra. Es guets Brot passt zu ganz vielne Momänt und schmeckt au ganz für sich. Denn die eifache Sache sind doch oft genau die, wo am beste sind. 🥰

29/08/2026

Vergiss nöd, en Zopf vom Steiner-Beck für de Sunntigmorge z hole. 🥖☀️

Denn was gits Schöners als de Sunntig gmüetlich miteme feine Zopf und ere Tasse Kafi z starte? 😊

Ob mit Butter, Konfi, Chäs oder eifach grad so, en frische Zopf schmeckt immer. 😋

Also hol dir din Lieblingszopf und freu dich uf en feine Zmorge. ✨

27/08/2026

De Steiner-Beck begleitet vieli vo eu scho sit Jahre. ❤️

Gwüssi holed am Morge s Brot bi eus, anderi nehmed de Zmittag für unterwägs mit und am Wuchenänd dörfs au gern mal öppis Süesses si. 😋

Und für manchi isch de Steiner-Beck sogar de Ort, wo sie schaffed, Mänsche kennenglernt und über d Jahr vieli Erinnerige gsammlet hend. 🙌

Was verbindet dich mitem Steiner-Beck? Verzell eus dini Gschicht. ✨

25/08/2026

Irgendwie schmeckts doch grad no es bitzli besser, wemmer weiss, was alles dehintersteckt. 🥖

Wenn du s nöchschte Mal es Brot vo eus i de Hand häsch, denk dra, bevors im Regal landet, isch im Hintergrund scho einiges passiert. ✨

Vieli Arbetsschritt, viel Erfahrig und immer wieder de Blick fürs Detail ghöred dezue, bis am Schluss gnau das Brot vor dir liit, wo du kennsch und gern häsch. 😊

Denn hinter jedem Brot stecked Mänsche, wo Tag für Tag mit viel Sorgfalt dafür sorged, dass es gnau so wird, wies söll. 🙌🏻

21/08/2026

🎂 Dini Torte, dini Kreation! Am 9. September findet euse Torte-Deko-Nomittag für alli 12- bis 20-Jährige statt. Gstalt dini ganz persönlichi Torte mit Schoggi oder Vanille als Basis und ganz viel Deko zum Ustobe.

🗓️ 9. September 2026
🕑 14:00–17:00 Uhr
📍 Steiner-Beck Fehraltorf
🎟️ Fr. 10.00 pro Person inkl. gratis Eistee

Ob schlicht, verspielt oder richtig usgfallen, du entscheidisch, wie dini Torte usgseht! 🤗

Meld dich bis zum 7. September a und sicher dir din Platz! D Teilnehmerzahl isch uf 15 Persone begrenzt.

➡️ https://eventfrog.de/de/p/freizeit-ausfluege/ausflug/torten-deko-nachmittag-bei-steiner-beck-7496152649105994678.html

19/08/2026

I eusere Confiserie entstönd nöd numme feini Kreatione, sondern au chlini Gschichte. ✨

Mit viel Kreativität, Fantasie und Fingerspitzegfühl wird modelliert und verziert. So wird us ere Idee Schritt für Schritt öppis ganz Bsundrigs. Wie bi dere Lokomotive, wo sogar de Lokfüehrer scho bereit für sini nächsti Reis isch. 🚂

15/08/2026

Am 21. August wird uf dä Steiner-Piazza wieder tanzt, gnosse und de Summer gfiret! 🤠☀️

Freu di uf euses Line Dance Event mit Apéro, Grill und erfrischende Drinks. Chum verbi, mir freued eus uf dich! 🤗

📍 Filiale Hinwil Bahnhof
🕠 17:30 bis 21:00 Uhr
😢 Nachtrag: De Event isch wegem schlechte Wetter abgseit.

Meh Infos: steiner-beck.ch/steiner-piazza/

11/08/2026

Zemme gege Lebesmittelverschwendig! Sit em Start vo eusere Zemmenarbet mit .ch hemmer über 40‘000 Überraschigspäckli chöne rette. 💚

Das bedütet ned nur weniger Lebesmittelverschwendig, sondern isch au en wichtige Bitrag für eusi Umwelt:

🌍 108‘000 kg CO2e igspart
🌱 112‘000 m2 Landnutzig vermiede
💧 34,4 Mio. Liter Wasser igspart

Jedes grettete Päckli macht en Unterschied. Und das wär ohni eu ned möglich! Danke, dass ihr mit eus Lebesmittel retted und so gmeinsam öppis gege d Verschwendig mached. 🙏🏻

Adresse

Steiner-Beck AG
Wetzikon
8623

Telefon

+41449311340

Webseite

http://www.steiner-beck.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Steiner-Beck erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.